त्या दिसा वडाकडेन गडद तिन्सना
मन्द मन्द वाजत आयली तुजी गो पायजणा.....
मौन पडले सगळ्या रानानं शिरशिरुन थांबली पाना
कवळी जाग आयली तणांक झेमता झेमताना..
पयसुल्यान वाजाली घांट, दाटलो न्हयचो कंठप्राण
सावळ्यानी घंमघंमाट सुटलो त्या खिणा...
फ़ुलल्यो वैर चंद्रजोती रंध्रानी लागल्यो वाती
नवलांची जाउन्क लागली शकुन लक्शणा...
कळ्यासुखांत दोळ्या दु:खात लकलकली जांव तिका
नकळताना एक जांली आमी दोगाय जणा....
त्यातले काय नुल्ले आज?
सगळ्या जिणेक आयली सांज् तरी अकस्मात् तुझी वाजती पायजणा.....
कोणत्याही टिप्पण्या नाहीत:
टिप्पणी पोस्ट करा